Liens d'accessibilité

Dernières nouvelles

Ba Congolais, Rwandais mpe Ougandais bafulukisami na mombongo ya wolo na moyibi ya RDC, elobi IMPACT


Moto moko azali kotimola wolo na maboko na mawi moko na na Walungu, na Sud-Kivu, 29 mars 2017.

Lisanga lya société civile ya Canada IMPACT libimisi na mpwasa mombongo ya wolo mozali kokoba kosalama na moyibi wuto RDC, wuto mibu mingi. IMPACT etangi boko na ba Congolais, ba Rwandais na ba Ougandais.

"Ba négociants na ba exportateurs baye bazali na mikanda mpe bazwa ndingisa ya mbulamatari ya RDC, na ya Rwanda mpe ya Ouganda, bazali kosala misala mya bango na bozangi kobanga etumbu," ekomi IMPACT.

"Nations unies efundaka bango na polele mibu na mibu bo’ baye bamemaka bozwi mingi na mombongo ya kobuka mobeko ya wolo etimolama na moboko na RDC," ebakisi IMPACT.

DG ya IMPACT, Joanne Lebert andimi ete mwa makasi masalama na bakonzi ba RDC kasi mbuma na yango ezali komonana te.

"Makasi maselema mingi mpo ete mombongo ya wolo ya kotimoloa na maboko mosalama na alima kasi soki ba intermédiaires wana ya mayuya mpe ba exploitants mpe marché (bisika ya koteka) basala makambo na bozangi etumbu, makasi manso makozala mpamba, ekebisi Joanne Lebert.

Na ndakisa, IMPACT etangi Cavichi SARL, comptoire ezwa mikanda na Bukavu (2013 kino 2016).

IMPACT elakisi ete na 2015-2016, Cavichi SARL elobaki na bakonzi ya RDC ete ebimisaki 25.7 kg kasi na Rwanda ekomaki 5,290 Kg na ba mikanda mya transit.

Cavishi epesaki ntalo ya 17,3 millions $ mpo na 5,29 kg ya wolo yango nzokande ntalo ya koteka yango na molongo ezalaki 191,5 millions $.

IMPACT ebekisi ete Cavichi SARL ekangama kasi mokeli na yango Caetano Victor Chibalonza akoba kosala misala mya koteka wolo.

IMPACT epesi mpe ndekisa ya Congo Goleden Mining Ltd mpe Omega Gold Mining Ltd.

IMPACT esenge bolukiluki mpo nayango.

XS
SM
MD
LG