Liens d'accessibilité

Dernières nouvelles

Ba avocats canadiens baike basengi CPI kosala enketi mpo na Kabila


Joseph Kabila, pene na molongani wa ye Olive Lembe (G), na maponami, na Kinshasa, 30 décembre 2018.

Lingomba moko ya bayi bosembo ya Canada, mingi ba avocats, lisengi na CPI (Cour pénale internationale) kofungola enketi mpo na mbeba inso esalama na mokonzi ya kala Joseph Kabila na basungi ba ye na RDC.

PCJI (Partenariat canadien pour la justice internationale) ekomeli Cour pénale internationale (CPI) mercredi mpe esengi yango kosala bolukiluki likolo ya Kabila mpe bakonzi basusu ya mbulamatari baye basalaki na makambo ya mabe mpe nsomo na Ekolo Congo démocratique.

"Ata Bureau ya procureure esalaki bolukiluki kala te mpe elandelaki baike mpo na mbeba ya molongo (crimes internationaux) na RDC, etali nanu mpeza te mosala mpe mokumba ya président ya kala Kabila mpe ya mbulamatari na ye na mabe masalamaki lokola koboma, kokanga bato mpamba mpamba, kobeta, kozwa basi na makasi mpe kolimwisa bato," ekomi PCIJ na site internet na yango .

Mokanda mwango botiyami manzaka na ba experts mpe misala ya société civile 17 misusu (ya Canada).

Bazali kolobela maye misala ya bitumba mya makoki ma bomoto ya RDC mpe ya molongo bafundaka.

Voir les commentaires

XS
SM
MD
LG