Liens d'accessibilité

Dernières nouvelles

Afrique

Afrique du Sud elongoli Egypte 1-0 lokola Nigeria, Cameroun 3-2

Mohamed Salah ya Egypte (D) angumbami nsima na kopola ya ba Pharaons liboso ya ba Bafana Bafana na 8e de finales ya CAN 2019, na Caire, 6 juillet 2019.

Nzokande ba Bafana Bafana ya Afrique du Sud balekaki na 8e kati na ba meilleurs 3es baye babendamaki na 16e lokola ba Leopards ya Congo democratique.

Bayike bapesaki ba Bafana Bafana chance mingi te liboso ya ba Pharoans ya Egypte baye basilisaki na 9 points na groupes A, ya ba Leopards, na elonga esota.

Kasi ata ba Pharaons babetaki makasi 67% ya kosimba balle, Thembinkosi Lorch ya Afrika ya Ngele atiyaki mongete na 85’ mpe makambo masilaki.

Nzokande na match ebatamaki yambo, Nigeria eniataki Cameroun 3-2.

Ighalo O. aningisaki moniaka moto na yambo na 19’ mpo na ba Super Eagles ya Nigeria.

Ba Lions indomptables ya Cameroun banzongisa mongete na 41’ na Bhaken S. mpe babakiaki na 44’ na N'Jie C.

Nzonkande Ighalo azongelaki lisusu na mongete ya ba Nigerians na 63’. Mpe, Iwobi A. akataki likambo na 63’ na mongete ya misatu ya Nigeria na 53’.

Mokolo moko moleki, vendredi, nsima na 1-1, Benin elongaki Maroc na ba tirs au but 4-1. Mpe Senegal enyataki Ouganda 1-0.

Na quarts de finale Senegal nde ekutani na Benin mpe Nigeria na Afrique du sud.

Esengeli kozela dimanche matches ya ba Leopards ya RDC na ba Bareas ya Madagascar mpe Algerie na Guinee. Lundi nde, Mali – Cote d’Ivoire na Ghana – Tunisie.

See all News Updates of the Day

OMS esengi bosangisi makasi mpo kobundisa Ebola na RDC

Mokambi ya OMS, Dr Tedros Adhanom Ghebreyesus (G) apesi mbote na président Denis Sassou Nguesso na 69e session ya comité régional ya OMS, Brazzaville, 19 août 2019. (Twitter/ Dr Tedros Adhanom Ghebreyesus)

OMS, Mabongisi ya molongo mpo na bokololongo, esengi baye bapesaka ye maboko, mingi mpenza bikolo nzinga nzinga ya RDC kosangisa makasi na bitumba ya Ebola eye esili koboma bato koleka 1.930 na mboka ya moye ya kati ya Afriaa.

Mokambi ya OMS, Dr Tedros Adhanom Ghebreyesus, abwakaki mbela yango na bokutani ya 69e session ya comité régional ya OMS na bikolo ya Afrika, na Brazzaville.

"Ntango ekoki mpo ete ba partenaires banso, mingi mpenza bikolo libwa nzinga nzinga ya RDC, balakisa bondeko mpo na kokanga nzela na bopanzani ya Ebola," elobai Dr. Tedros Adhanon Ghebreyesus.

Bato koleka 400, kati na bango ba ministres 47 ya santé bazali na bokutani byango.

Président Denis Sassou Nguesso ya Congo-Brazzaville nde afungolaki bokutani yango.

Mokambi ya sika ya OMS mpo na Afrika akoponama na bokutani boye.

Tshisekedi akeyi Dar-es-Salaam mpo na Sommet ya SADC

Mokonzi ya mboka Félix Tshisekedi apesi mokambi ya misala ma ye Vital mbote, na bolongwi na ye mpo na kokende Dar-es-Salam, Kinshasa, 16 août 2019. (Facebook/présidence RDC)

Président Félix Tshisekedi akeyi lelo mokolo ya mitano ya mposo na Dar-es-Salaam, engumba mokonzi ya Tanzanie, mpo na bokutani ya bakonzi ya mboka ya SADC, lingomba ya ntombwa ya bikolo ya Ngele na Afrika.

Ezali bongo 39e Sommet ya bakonzi ya bikolo ya SADC eye ekosalama na Dar-es-Salaam, banda le 16 août kino le 18 août 2019.

Kolanda présidence ya Congo démocratique (RDC), F. Tshisekedi akolobela mingi bokengi na bokono ya Ebola na monyele ya mboka na ye.

Bakonzi ya mboka ebele bakozala kuna : King Nswati III ya Eswatini (Botswana), Thomas Motsohae Thabane na Lesotho, Andy Rajoelina ya Madagascar, Arthur Peter Muthanka ya Malawi, Paramasivum Pillay Viaoory ya Maurice, Filipe Jacinto Nyusi ya Mozambique, Hage Gottfried Geingob ya Namibie, Dany Faure ya Seyschelles, John Pombe Joseph Magufuli ya Tanzanie, Edgar Chagwa Lungu ya Zambie, Emmerson Mnangagwa ya Zimbabwe, Joao Lourenco ya Angola, Mokgweetsi Eric Keabetwe Masisi ya Botswana, Félix Tshisekedi ya RDC, na Azali Assoumani ya Comores.

Sango ya le 15 août 2019 na 16h TU na VOA Lingala

Sango ya le 15 août 2019 na 16h TU na VOA Lingala
Attendez s'il vous plaît

No media source currently available

0:00 0:05:00 0:00

Ba Léopards bakweyi na ¼ de finale na Nigeria 46-79

Ba léopards sénior ya basketball ya basi na phase finale ya Afrobasket, Dakar, Sénégal, 11 août 2019. (Facebook/Léopards basket)

Afrobasket ya basi… Ba Léopards seniors bakweyisami 46 à 79 liboso ya équipe nationale ya Nigeria, na quarts ya finale ya 24e edition ya championnat ya finale ya ezali kobetama na Dakar na Sénégal.

Basani ya Congo démocratique basukisi awa nzela na bango na compétition eye.

Balongaki se match moko, na Cap Vert, o'mokolo ya misato moleki, na match ya barrage ya koleka na quarts ya finales (78 à 46) liboso ya Cap-Vert.

Nzokande ba Léopards balongaki te ba matches na bango babale yambo.

Bakweyaki liboso ya ba Palanca Negras ya Angola mpe ya équipe nationale ya Mali.

Ba Léopards Séniors ya basi baleki na ¼ ya finale ya Afrobaskeball

Ba Léopards Séniors ya basi balongi équipe nationale ya Cap Vert 78-46 na tournoi ya finale ya Afrobaskeball, na Dakar na Sénégal, 14 août 2019. (Facebook/Afrobasket Women)

Ba Léopards Séniors ya basi balongi équipe nationale ya Cap Vert 78-46 na tournoi ya finale ya Afrobaskeball, na Dakar na Sénégal. Elonga ya ba Léopards epesi bango nzela ya koleka na quarts de finale ata bapolaki ba matches mibale ya yambo.

Ba Léopards ya basi bopolaki matches na bango mibale ya yambo.

Liboso. la ba Palanca Ngeras ya Angola 49 à 69. Mpe ya mibale, lobi loleki, na Mali, 56 à 82.

Ndenge moko mpe Cap Vert apolaki ba matches na yango mibala na yango ya yambo.

Voir plus

XS
SM
MD
LG