Mokano mwango mopesami o'mokolo mwa mposo le 28 janvier 2022, na Convention de démocrates, moko na mabongisi ma lingomba UDPS (Union pour la démocratie et le progrès social).
Convention de démocrates ezwaki mpe mokona ya kolongola ye, yambo, na ebonga na ye ya mokambi ya lingomba liye.
Ezali nsima na mokano M. Kabund asakolaki mposo moko moleki na compte Twitter na ye, ete alongwe na ebonga na ye ya 1er vice-président ya Assemblée nationale kolanda bokoti mpe bopunzi ndako na ye na basodas ya garde présidentielle.
Basoda ba garde républicaine bakandeki na ndako ya M. Kabund nsima na ba policiers bakengelaka 1er vice=président ya Assemblée nationale kokanga moko na bango na motuka ezalaki kotambola na sens opposé.
Convention ya ba démocrates epameli M. Kabund kopenguisa misolo ya ba cartes ya bayi lingomba, kopesa FCC (Front commun ya Congo) ya mokonzi ya kala Joseph Kabila, majorité na boyokani bango mpe bomonela bayi lingomba.
M. Kabund atikalaki kopesa mokanda ya kotika mosala na ye te na Assemblée nationale.
M. Kabund azongisi nanu eyano te.
Convention ya ba démocrates elobi lisusu ete M. Kabund aboyaki kokende koyanola mbala mibale na mbela epasaki ye mposo moleki.
Augustin Kabuya nde andimisami na ebonga ya kalaka mokonzi ya UDPS.
