Liens d'accessibilité

Dernières nouvelles

TGI Kinshasa/Gombe etie plaidoirie le 11 juin nsima na koyoka banzeneneke banso na procès Kamerhe


Vital Kamerhe, mosungi mpe mokambi ya kala ya ndako ya misala ya président Félix Tshisekedi, na bosambisami na boloko ya Makala CPRK, Kinshasa, 4 juin 2020. (VOA/Capture d'écran)
Vital Kamerhe, mosungi mpe mokambi ya kala ya ndako ya misala ya président Félix Tshisekedi, na bosambisami na boloko ya Makala CPRK, Kinshasa, 4 juin 2020. (VOA/Capture d'écran)

Banzeneneke banso, longola moko, balekaki mercredi liboso ya tribunal mpo na kotatola mpe koyanola na mituna na bosambisami bwa Vital Kamerhe, Sammih Jamal na Jeannot Muhina na boloko ya Makala, CPRK, mpo na bopengwisami misolo ya mikolo nkama ya Félix Tshisekedi.

Vital Kemerhe, mosungi mpe mokambi ya kala ya ndako ya misala ya président Félix Tshisekedi azali kosamba elongo M. Jamal, nkolo ba sociétés SAMIBO mpe HUSMAL, na chargé ya import-export na présidence, M. Muhima, mpo na bopengwisami mosolo ya kotonga ndako 1.500 ya mikolo nkama mya yambo ya bokonzi ya mokonzi ya sika ya mboka.

Zuzi mokambi ya sika Pierrot Mankenge Mvita nde abandaki wuto mercredi kokamba bosambisami nsima na liwa ya ya mbalakaka ya zuzi mokambi Raphael Yanyi oyo akufaki mposo moleki.

Ambassadeur itinérant ya président Tshisekedi, Nicolas Kazadi, Conseiller principal na ye Marcellin Bilomba, compte ya présidence, mokambi ya Banque centrale ya Congo (BCC) Déogratias Mutombo, ministre ya Finances ya kala Henri Yav Mulang, ya urbanisme mpe Habitat, Thomas Luhaka mpe basusu mpe balekaki mpe basusu lokola balekaki.

Na eyano apesi na bazuzi mpo kolakisa ete asalaki makambo manso na nkombo ya mokonzi ya mboka lokola azali koloba, Vital Kamerhe, alaki kolakisa na bazuzi na sekele makomi mokonzi ya mboka atia na mikanda ya misala myango.

M. Bilomba abimisaki mokanda moko ya BCC moye molakisi ete misolo mipesamaki na SAMIBO mizalaki 66 millions $ na esika ya 57 lokola elobamaki kino sika.

Molongani ya M. Kamerhe, Hamida Shatur Kamerhe mpe mwana na ye Soraya Mpiana.

Bazuzi batunaki Mme Hamida Shatur mpo na misolo (ba comptes bancaires) mpe misala mya ye.

Mlle Mpiana nde awanganaki ete ayebaki ete M. Jamal ye ndako.

Mwana ya ndeko ya M. Kamerhe, Daniel Nkingi allias Massaro oyo apesaki mpe litatoli andimaki ete ye nde nkombo ya Mlle Mpiana mpo lopango yango.

XS
SM
MD
LG