Liens d'accessibilité

Dernières nouvelles
RDC

PPRD esengi enquête nsima na liwa ya moko ya balandi na yango na Bukavu


Emmanuel Ramazani Shadary, secrétaire permanent ya PPRD azali kopesa lisikulu na bokutani ya Lubumbashi, Haut-Katanga, 24 octobre 2019. (Facebook/PPRD)

PPRD, parti ya mokonzi ya kala Joseph Kabila, esengi bolukuluki nsima na liwa ya moko na balandi na yango na nkombo ya Pacifique Mitiki dimanche 2 février 2020 na ndako na ye na Bukavu, na Sud-Kivu.

Pafique Mutiki azalaki intendant adjoint na gouvernorat ya etuka ya Sud-Kivu.

"PPR oyo ezali kobunda wuto koleka mibu zomi mpo na bozongi ya kimya na mboka na biso mpe na bokengi ya bato mpe biloko bya bango, esengi bolukiluki na lombango likolo na bobomi ya nsoni eye na ntina ete mokumba ya moko moko moyebana mpe baye basali mpe batindi yango bapesama etumbu kolanda mibeko ya ekolo," ekomi na liyebisi Emmanuel Ramazani Shadary, secrétaire premanent ya PPRD.

M. Ramazni asakoli ete lingomba na ye ezali kolela mpo na bobomami ya ndeko na bango.

Mokambi ya PPRD ayebisi te ndenge M. Mutiki abomami.

XS
SM
MD
LG