Liens d'accessibilité

Dernières nouvelles
RDC

Peter Pham na Fayulu basololi lolenge politique ezali kotambola


Envoyé spécial ya Etats-Unis mpo na Grands lancs, Peter Pham (C), ntoma ya Etats-Unis na RDC (G) na masolo na Martin Fayulu na Kinshasa, RDC, 11 février 2020. (Twitter/Mike Hammer)

Envoyé spécial ya Etats-Unis na etuka ya Grands lacs, Peter Pham, akutani na Martin Fayulu, candidat ya lingomba Lamuka na maponami ya mokonzi ya mboka ya le 30 décembre 2018. Motindami ya Etats-Unis azali na mobembo na Kinshasa wuto lundi.

"'Motindami ya mbano' azwaki libaku kokutana na Martin Fayulu mpo na kosolola lolenge politique ezali kokende na ntango oyo," ekomi na Twitter na ye ambassadeur (ntoma) ya Etats-Unis na ekolo Congo démocratique, Mike Hammer oyo amibengaka "Nzita".

Yambo na yango, M. Pham asololaki mpe na ministre wa Yambo, Sylvestre Ilunga Ilunkamba.

Na Premier ministre, M. Pham abetaki masolo ya mambi ya boyokani kati na partenariat privilégié mpo na kimya mpe bofulikisami. Mingi penza mpo na bitumba na kaniaka mpe bobongisami ya climat ya ba affaires," eyebisi M. Hammer.

Wuta akomaki na Kinshasa, M. Pham akutani mpe na baye ya société civile lokola balakisi bilongi ya bitonga (églises), bayi mouvements citoyens mpe basusu. Cardinal Fridolin archévèque ya Kinshasa, mokambi ya eklzia Anglican Achile Mutshindu mpe bayi Lucha mpe bakutanaki na M. Pham.

Motindami ya Etats-Unis akomaki na RDC ntango secrétaire d’Etat (ministre) ya mambi ya bapaya, Mike Pompeo, asakoli ete akosala lisusu te mobembo na Kinshasa lokola bakonzi ya Congo balobaki.

M. Pompeo akozala na mobembo na Afrika, mingi mpenza na Sénégal, Angola mpe Ethiopie, banda le 15 ti le 19 février 2020.

XS
SM
MD
LG