Liens d'accessibilité

Dernières nouvelles
RDC

Peter Pham atiami motindami ya Etats-Unis mpo na Sahel


Président Félix Tshisekedi (L) na motindami ya motuya ya Etats-Unis na Grands lacs Peter Pham na bokutani na Palais de la Nation, Kinshasa, RDC, 12 février 2020. (Facebook/Présidence RDC)

Peter Pham oyo azalaki kino sik’oyo motindami ya Etats-Unis mpo na etuka ya Grands lacs atiami motindami mpo na Sahel, kolanda département d’Etat ya Etats-Unis.

Mokambi ya diplomatie américaine Mike Pompeo "azali na esengo ya kotia Peter Pham lokola motindami ya mbala ya yambo na etuka ya Sahel na ntina ya kosunga ba efforts diplomatiques américaines mpo na bokengi mpe kimya," ekomi na Twitter molebeli ya département d’Etat Morgan Ortagus.

Ngambo na ye, Peter Pham atweeté mpo na kopesa matandi mpe koeybisa ete "azwi lokumu ya kondima libonga yango moto yay ambo."

M. Pham alaki kosala mosala na baninga basusu mpe ba partenaires internationaux mpo kozwa na maboko modenge ya bokengi mpe ya bomto ya etuka yango.

Peter Pham atiamaki lokola motindami ya USA na Grands lacs na novembre 2018, azalaki kala vice-président ya cercle de réflexion Atlantic Council na Washington.

Yambo na mopani ya 2018 na RDC, atelemelaki mandat ya misatu ya mokonzi ya kala Joseph Kabila.

XS
SM
MD
LG