Liens d'accessibilité

Dernières nouvelles
RDC

Kabila na Peter Pham babeti masolo ya boyokani ya sika na Etats-Unis


Mokonxi ya kala ya RDC Joseph KAbila (G) na motindami ya motuya ya Etats-Unis na Grands lacs Peter Pham na Kinshasa, RDC, 14 février 2020. (Twitter/Joseph Kabila K)

Motindami ya motuya (Envoyé spécial) ya Etats-Unis na Grands lacs, Peter Pham akutani na Joseph Kabila, mokonzi ya kala ya ekolo Congo démocratique mpe basololi mpo etali boyoka ya mboka mibale.

M. Kabila asakoli bokutani bwango na Twitter.

"Masolo mazalaki likolo ya lolenge mbulamatari ya Etats-Unis na ya Congo bazali komema partenariat privilégié (boyokani ya makasi) mpo na kimya mpe kofulukisama, na kotiaka mokoloto na bitumba na kaniaka mpe kosilisa bozangi na kopesa etumbu," ekomi na compte Twitter na ye Joseph Kabila.

M. Pham azali na RDC wuto libandela ya mposo.

Motindami ya Etats-Unis akutanaki na president Félix Tshisekedi mikolo mibale mileki (mercredi 12 février) mpe basololaki makambo boyokani ya sika ya mboka na ye na RDC.

M. Pham amemaki mpe limpinga ya General Electric Company ya Amerika eye esalaki mabongisi ya boyokani (EMOI) mpo na lotiliki mpe bokolongono ya milliard moko na million mwambe ya ba dollars.

Motindami ya USA akutani yambo na Martin Fayulu, candidat ya lisanga Lamuka na maponami ya le 30 décembre 2018. M.Fayulu apesaki ye mabongisi ma ye mpo na kosilisa nkwoso ya nsima na maponami. M. Fayulu alobaka ete ye nde alongaki maponami yango ata CENI mpe Cour constitutionnelle basakolaki Félix Tshisekedi molongi.

M. Pham alingi ngambo inso ya bana ya Congo bapesa maboko na boyokani ya sika kati na Etats-Unis na RDC.

XS
SM
MD
LG