Liens d'accessibilité

Dernières nouvelles

Patricia Nseya candidate ya UDPS na esika ya Kabund na ebonga ya 1er V-P ya Assemblée nationale


Député Patricia Nseya Mulela ya UDPS, 2020. (Twitter/Patricia Nseya)

Députée Patricia Nseya Mulela nde aponami na UDPS kati na ba candidats 16 mpo na kopesa nkombo na maponami ya ebonga ya 1e vice-président ya Assemblée nationale na esika ya Jean-Marc Kabund, président intérimaire ya lingomba lya mokonzi ya mboka.

Sango ya boponami na ye epesamaki yambo na FatshiNews mpe endimamaki na babyi UDPS baiike.

Nkombo na ye etikami na bureau aya Assemblée nationale.

Bakeli mibeko basusu ya UDPS bamilongoli na momakono mpe bapesi longonya na Patricia Nseya oyo atikali candidate unique (candiate moko) na ngambo ya UDPS.

Lundi 8 juin 2020 nde mokolo mwa suka mpo na kotika nkombo ya ba candidats, kolanda linaka ya Ass♪0bl, kolanda linaka ya suku ya nse ya parlement.

Maponami makosalema le 15 juin.

Liloba lya suka lisengalaki liwuta na mokambi na biso, mokonzi ya mboka Félix Tshisekedi, eyebisaki VOA Lingala moko na ba députés.

Nzima na bokweyisami na Jean-Marc Kabund kolonda pétition ya député Jean-Jacques Mamba ya MLC, UDPS eboyaki ko pesa nkombo mosusu mpe epekisaki ba députés ba yango nyonso kopesa nkombo.

Kasi baiike ya lingomba balobaki esengeli kotiak bato basusu kopesa nkombo.

UDPS, kati na lingomba ya ya CACH na UNC ya Vital Kamerhe, ezali na boyokani na na FCC, lingomba ya mokonzi ya kala Joseph Kanila.

Na boyokani bwango enboga ya 1er vice-président ya Assemblée nationale esengeli epesama na UDPS.

XS
SM
MD
LG