Liens d'accessibilité

Dernières nouvelles

25 opposants rwandais bakosambisama mpo na koluka kokwesa Kagame uto RDC


Bato 25 ya lingomba RNC (ya basimba minduki) batelemi o'boso ya bazuzi na tribunal ya mampinga ya Randa na Kigali, 2 octobre 2019.

Tibunal ya mampinga ya Rwanda endimi kosambisa bato 25 ya lingomba ya politiki ya opposition RNC, bafundami mpo koluka kokweyisa bokonzi ya president Paul Kagame kowuta na mabela ya Congo democratique.

Bato baye bakoki kozwa etumbu ya boloko ya tuku mibale na mitano.

Bazalaki kala baye ya M. Kagame kasi bakima mboka mpe basala lingomba Congrès national rwandais (RNC).

"Bafundami mpo na koluka kokweyisa mbulamatari na nzela ya minduki mpe na lisungi ya mboka ya bapaya na ntina ya kosala bituma," esakoli bazuzi.

Bayike kati na bakangami baye bazwamaki na bitumba makasi na RDC, elobi bakambi ya tribunal. Basusu bamizongisaki na maboko ya Monusco (mission ya ONU na RDC).

Misato kati na bango balobi ete bazali bato ya Burundi, mibale ya Ouganda mpe moko ya Malawi.

Basambaki na bozangi basambeli.

Moko na bakambi ya tribunal alobaki mokambi ya kala ya mampinga ya Rwanda, Faustin Kayumba Nyamwasa, moko na bakeli ya RNC, nde akotisaki bango na lingomba liye.

F. Kayumba akimaka mboka na ye na 2010 mpe abombamaki na Afrique du Sud (Afrika ya ngele) epayi wapi abika ntango balukaki koboma ye mbala mingi.

F. Kayumba akelaka RNC elongo na Patrick Karegeya, mokonzi ya kala ya misala ya bokengi ya Rwanda, oyo bamobomaki na baye bayebana te na 2014 na Johannesburg, na Afrika ya ngele.

Voir les commentaires

XS
SM
MD
LG