Liens d'accessibilité

Dernières nouvelles

Ne Muanda Nsemi atindami CNPP


Zacharie Badiengila alias Ne Muanda Nsemi na bokomi na ye na Commissariat ya police na Kinshasa, 24 avril 2020. (Capture d'écran)

Zacharie Badiengila, oyo ayebani lokola Ne Muanda Nsemi, atindami na CNPP (Centre nero-psychologique) na bosengi ya parquet, elobi bakonzi ya police nationale congolaise na Kinshasa, mokolo moko nsima na bokangami na ye.

Ne Muanda Nsemi, mokambi lingomba Bundu dia Mayala, elongi ya politiki ya lingomba ya losambo mpe bokoko Bundu dia Kongo, akangamaki vendredi ntango police ekitaki na ndako na ye na M'Binza, Na Kinshasa. Bato mwambe bakufi.

"Parquet esengi ete akende liboso na CNPP mpo batala soki azali na moto na ye na makoki manso," eyebisi mokambi moko ya police.

Ne Muanda Nsemi amisakolaki president ya république le 4 janvier. Wuto ntango yango balandi baye bazalaki kokita na balabala mpo na milulu mizalaki komema na bitumba na police. Yambo na Kinshasa mpe na Nsima na Kongo cnetral. Bato bazalaki kokufa mbala na mbala.

Bayi BDM bazaakli kobengana bato ya Kongo central te na etuka eye.

Na bokangami na ye, Muanda Nsemi afundami na makambo mingi, kati na yango kotinda bato koyinana na mboka.

Bakonzi bayebi na kotika mwasi ya Ne Muanda Nsemi na bandeko baye be bana ya balanid ya lingomba na ye bakangamaki vendredi na ndako ya mokambi na bango.

XS
SM
MD
LG