Liens d'accessibilité

Dernières nouvelles

Museveni apameli ba ADF na koluka koboma bato na matanga ya gén. Lokech na Ouganda


President Yoweri Museveni ya Ouganda azopesa lisikulu o'mokolo mwa limpanda na Kampala, le 4 juin, 2021.

Président Yoweri Museveni apameli batomboki ya ba ADF na koluka kosala attentat na matanga ya moko na bakambi ba mampinga ma Ouganda général de division Paul Lokech, elobi AFP.

Général de division Paul Lokech ayebanaki na nkombo ya « Lion ya Mogadiscio”, akambaka bitumba ya Union africaine na ba Shebab na Somalie.

Général de division Paul Lokech akufaki samedi, mposo moko moleki na bokono.

Mampinga ma Ouganda masakoli na liyebisi ete makangaki moto moko alukaki koboma bato na bombe na matanga vendredi 28 août, na nord ya nord ya mboka.

Moto yango azali moyi Ouganda.

« Moto moko afundami kozala ADF akangami na bombe alataki na nzoto, » elimboli molobeli ya mampinga ma Ouganda (UPDF), Flavia Byekwaso na liyebisi.

Ba ADF bazali lingomba lya batomboki ya musulumane likelamaki na 1996 na bayi Ouganda mpo na kobundisa bokonzi ya mboka na bango kasi bakatisaka na RDC wuto mibu 30 mpe basangana na bayi bikolo mingi mpe bakoma nde koboma mikolo minso bayi RDC.

ADF ekota na lingomba état islamique, Daesh to Isis.

XS
SM
MD
LG