Liens d'accessibilité

Dernières nouvelles

Mokambi ya UNESCO alaki lisungi na kelasi ya ofele na Tshisekedi


Président Félix Tshisekedi (G) na masolo na mokambi ya UNESCO Audrey Azoulay na cité ya Union africaine, na Kinshasa, 15 octobre 2020. (Facebook.Présidence RDC)

Mokambi ya UNESCO, Audrey Azoulay alaki kopesa maboko na politiki ya kelasi ya ofele na RDC. Alobi yango nsima na bokutani jeudi na président Félix Tshisekedi na cité ya Union africaine na Kinshasa.

Mme Azoulay alobi ete UNESCO epesi losoka na bobandi kelasi ya ofele wuto mobu moleki. Kasi ayebisi ete ayokaki motema mpasi ndenge kelasi ekatanaki na kati na libandela lya mobu.

UNESCO ekopesa maboko na politiki ya eteyelo ya ofele mpe azali kosolola na Banque mondiale na ntina ya lisungi, elobi Mme Audrey.

Mokambi ya UNESCO akitaki yambo na Lycée Kabambare elongo na ministre ya Malakisi.

Kuna, abetaki sete mpo na kelasi ya bilenge basi mpe mpo na mateya ya balakisi na ntina ya kozala na kelasi ya malonga na RDC.

Azalaki mercredi na Brazzaville nse mpo na yango.

Kasi azali mpe kosolola na bakonzi ya ba Congo babale na ntina ya bondimi bwa Rumba ya Congo lokola bomengo ya molongo.

Voir les commentaires

XS
SM
MD
LG