Liens d'accessibilité

Dernières nouvelles

Bondimi bwa Rumba ya Congo bo’ bomengo ya UNESCO kati na masolo ya Sassou na mokambi ya UNESCO


Président Denis Sassou N'Guesso (D) na masolo na motambwisi ya UNESCO Audrey Azoulay na Brazzaville, 14 octobre 2020. (Twitter/Présidence Congno-Brazzaville)

Président Denis Sassou N’Gueoss asololi na mokambi ya UNESCO, Audrey Azoulay, mpo etali bondimami bwa Rumba ya Congo bo’ bomengo (patrimoine) ya UNESCO.

Mokonzi ya Congo-Brazzaville ayambaki Audrey Azoulay, mokambi ya UNESCO, mercredi 14 na Brazzaville.

"Kati na masolo ma bango ezalaki mpe na bondimami bwa Rumba lokola bomengo ya UNESCO," elobi mokambi ya ndako ya mosala ya président Sassou, Valentin Oko, na compte twitter na ye,

Mokambi ya UNESCO atalaki mpe boko na misala mya malakisi UNESCO esungaka na Congo-Brazzaville wuta mibu 23.

"Botiami na bilenge mpe bana na kelasi -mingi mpenza ya basi- mpe bozongisami ya kelesa ndenge elongobani esengli kozala eloko ya motuya koleka ata nkwokoso ya COVID-19 ezali, "elobi Mme Azoulay.

Kelasi ezongaki o’libandel lya mposo mpo na mobu ya sika na Congo-Brazzaville lokola na ngambo ya ebale na RDC.

Mobu moleki mokweyisamaki na mayi mpo na kelasi inso ya suka te, na Congo-Brazzaville. Mme Azoulay alobi ayoki mabe mpo na yango.

UNESCO esungaka balakisi na mateya, mpe mikolo miye mpo na lolenge ya kotangisa na mosika mpe na malako ya komibatela na COVID-19.

Jeudi, Mme Azoulay akokatisa na RDC.

Na kinshasa, kosolola mpe mpo etali botiami ya Rumba bo’ bomengo ya UNESCO mpe mpo etali kelasi.

Bayi RDC mpe bamilengeli mpo na yango. Congo-Brazzaville na RDC bapeta miziki ndenge moko, evadisami mingi na rumba.

Bato na ntoki mpe balanga nzembo basengaka botiyami ya Rumba ya Congo bo’ bomengo ya UNESCO wuta kala.

Rumba ewutaka na Amerika ya Sudi kasi bayi Congo babale babongola yango na lolenge na bango moko mpe ezwa mpifo mosusu.

Voir les commentaires

XS
SM
MD
LG