Liens d'accessibilité

Dernières nouvelles

Mibu 15 mya misala makasi misengami mpo na bakambi ya FONER, OVD na SOCOC


Président Félix Tshisekedi (1e G) akiti na chantier moko ya OVD pene na DG ya OVD Benjami Wenga na Kinshasa, RDC, 13 février 2020. (Twitter/Président RDC)

Ministère public esengi mibu 15 ya misala makasi mpo na Fulgence Lobota B. DG ya FONER, Benjamin Wenga DG ya OVD mpe Modeste Makabuza DG SOCOC vendredi na bosambisami mpo na bopengwisami bwa misolo mya kotonga nzela na Nord mpe Sud-Kivu.

Bosambisami bwango bozali kosala na boloko bonene ya Makala (CPRK) na Kinshasa.

Vendredi bazuzi bakoti kinzonzi nsima na koyoka basambeli ya ngambo inso mpe bafundami.

Yambo na yango, ministère public (l’Etat mofundi) esengaki etumbu ya mibu zomi na mitano mpo na bakambi ba Fondsnatioanle d’entretien routier (FONER), Office des voiries et drainage (OVD) mpe Société congolqise yq construction (SOCOC).

Bafundami mpo na kolekisa misolo na marché ya gré à gré bazwaki mpo na kotonga to kobongisa 32.5 km ya nzela na Nord-Kivu mpe Sud-Kivu.

Fulgence Lobota Bamaros DG ya FONER, Benjamin Wenga DG ya OVD mpe Modeste Makabuza DG SOCOC balobaki ete bayebi likambo, bazali ba innocents.

XS
SM
MD
LG