Liens d'accessibilité

Dernières nouvelles

Masolo likolo ya matata ya Libye makosalama le 30 janvier na Brazzaville


Président Denis Sassou N’Guesso (5e D), na masolo na bakokani w aye ya Côte d’Ivoire Alassane Ouattara (4e D), ya France Emmanuel Macron (C na se) na bakonzi basusu na Abidjan, 29 novembre 2017.

Bakonzi ya bikolo mpe ya mbulamatari ya bikolo ya Comité ya haut niveau ya Union africaine (UA) likolo ya matata ya Libye bakokutana jeudi 30 janvier 2020 na Brazzaville.

Bokutani bwango bokosalama na lisungi ya président ya Congo-Brazzaville, Denis Sassou N’Guesso, mokambi ya ngonga eye ya Comité ya haut niveau ya UA, eyebisi présidence ya Congo-Brazzaville.

Bakonzi ya bikolo nzinganzinga ya Libye, bakonzi ya mboka mpe ya mbulamatari ya bikolo bizali kati na Comité ya haut niveau ya Union africaine, balakisi bilongi ya Nations unies mpe ya UA, bakambi ya Communauté ya bikolo ya Sahélo-sahariens bakozala na likita yango.

Likita lyango likosalama yambo ya 33e sommet ya UA, likopesa nzela na Afrika mobimba kosangisa mayele mpo na komema bana ya Libye kovanda na mesa ya masolo.

Président Sassou N’Guesso azali mobondeli ya matata na mboka ya Mohamar Khadafi, mokonzi ya kala ya Libye, batomboki babomaki le 20 octobre 2011.

XS
SM
MD
LG