Liens d'accessibilité

Dernières nouvelles

Jacob Desvarieux, mokeli lingomba lya mindule Kassav akufi


Jacob Desvarieux (G) mokeli lingomba lya mindule Kassav, na Joselyne Beroaurd (C) na conert moko na Abidjan, Côte d'Ivoire, 1er mai 2009.

Jacob Desvarieux, mokeli lingomba lya mindule Kassav ya Antilles akufi o’mokolo mwa mitano na lopitalo na Guadeloupe epayi azali kosalisama na COVID-19 wuto mwa mikolo.

Sango yango epesami na ba media ya mboka na ye.

Mobeti lindand ya mibu 65, Jacob Desvarieux akotaka lopitalo wuto le 12 juillet mpe akotaka coma.

"Antilles, Afrique mpe mindule ewuti kobungisa moko na ba ntoma na yango ya monene. Jacob na boyebi mosala na yo ya malinga, okomisaki Antilles pene na Afrique, Dakar esika ovandaka eleli yo, Tokokuta ndeko," ekomi na Twitter alanga nzembo ya Sénégal Youssou Ndour.

M. Desvarieux abotamaka na Paris, na France, na 1955 mpe na 1979, akelaki lingomba Kassav elonho na Pierre Edouard Decimus.

M. Desvairuex abeta mindule mingi na bayi RDC, mingi mingi na ba studios ya kosala palata.

Lokola na King Kester na ba album na ye Nizila ya Velele mpe misusu.

Na lingomba Kassav asala ba tournée mingi na Afrika mpe akendaka Kinshasa, Lubumbashi mpe na monyele mbala mibale.

XS
SM
MD
LG