Liens d'accessibilité

Dernières nouvelles

Ba réseaux sociaux mpe messageries ekangami yambo na maponami na Ouganda


Président Yoweri Museveni (G) na alanga nzembo "Bobi Wine" Robert Kyabulanyi ma bilili mibale, bakowelela bokonzi na maponami ma le 14 janveir 2021 na Ouganda.

Mbulamatari ya Ouganda epesi mitindo na ba compagnies epesaka internet kokata ba réseaux mpe messagerie, mikolo mibale yambo na maponami ma mokonzi ya mboka.

Bana ba Ouganda bakokende kopona mokonzi ya mboka mpe bakeli mibeko o’mokolo mwa minei.

Président Yoweri Museveni, na mibu 76, akowela bokonzi na alanga nzembo Bobi Wine, na mibu 38.

Na nkombo na ye ya solo Robert Kyabulanyi, Bobi Wine azali kopamela M. Museveni oyo azali na bokonzi wuto 1986, na konyokola ye mpe balandi ba ye mpo na kosala campagne malamu te.

Matata mazali na mboka.

Na novembre, Bobi Wine akangamaki yambo na kotikama, kasi bato koleka 54 bakufaki na nsima na yango.

Facebook ekangi ba comptes mingi ya bayi mbulamatari to bayi Nzinga Nzinga na M. Museveni.

Tokoki te kondima moto moko atiela biso monoko makasi na kozwa mikano ya koloba nab iso nini ezali malamu mpe nini ezali mabe, eyanoli M. Museveni na likambo yango.

Voir les commentaires

XS
SM
MD
LG