Liens d'accessibilité

Dernières nouvelles

Ilunga Ilunkamba alimboli na Ass. Nat. ndenge nini akosalela 132.2 millions $ ya COVID19


Sylvestre Ilunga Ilunkamba, ministre ya yambo ya RDC, na Cap, Afrika ya ngele, 3 février 2020.

Ministre ya yambo ya RDC ayanolaki mercredi na Assemblée nationale motuna ya moko na ba députés mpo etali ndenge nini bokambi bwa bitumba na COVID19 bozali kokende.

Ilunga Ilunkamba ayebisi bakeli mibeko ete mosolo motiyami mpo na kobundisa COVID19 mozali 132.2 millions $. Mosolo mwango mokosalelama na trimistre ya mibale ya 2020.

17,7 millions ya mbongo eye ekozala mpo na misala mya bokengi to ba opérations sécuritaires, elimboli M. Ilunga.

105,9 millions nde ekozala kaka mpo na misala ya bokolongo (opérations santiaires), mpe 8,6 millions $ nde mpo na misala mya kosunga bato (opérations humanitaires).

Ba interventions sanitaires mikotala misala ya kobongisa mpe ya kotonga ba lopitalo (soki bosenga bozali), kosomba mino (nkisi) mpe ba équipements ad hoc lokola ba détecteurs mpo na dépsitage ya maladie, ba resporateurs, formation ya personnel médical, financement ya pharmacopée locale, elimboli PM Ilunga.

Député François atindaki motuna na PM Ilunga mpo na koyeba ndenge bokambami bwa bitumba na COVID19 bozali kokemde.

RDC ekomi na bato 797 bayebani kozwama na COVID19.

Banda bokono bwango bomonanaki na RDC, le 10 mars 2020, bato 35 bakufi mpe 92 babiki.

COVID19 ekoti na bituka sambo. Kinshasa ezwami na bato 744.

XS
SM
MD
LG