Liens d'accessibilité

Dernières nouvelles

"Empeachment" : Sénat endimi ete bosambisami bwa Trump bozali kotasa Buku likonzi


Ba Sénateurs ba Amerika na bosambisami (empeachment) ya Donald Trump na Capitole, na Washington, 9 février 2021

Ba Sénateurs ba Amerika bandimi na motango mingi koleka, na boponami, ete "empeachment" to bosalami bwa bosambisami bwa Donald Trump, mokonzi abimi na bokonzi, bozali kolanda Buku likonzi.

Ba Sénateurs 56 bandimi yango mpe 44 baboyi yango, na boponi bosalami mardi.

Bosambisami bwango bobandaki mardi.

Baike, mingi mingi ba républicains bazalaki kotuna ntina nini kosala bosambisami mpo na kolongola na ebonga mokonzi oyo azali lisusu te na ebonga.

Kasi basusu, na motango koleka, mpe mingi mingi ba démocrates balobaki esengeli kosambisa M. Trump mpo asali mbeba emonani.

Balakisi bilongi ba bana ba Amarika to ba députés nde bafundaki M. Trump, 45e président ya Etats-Unis, mpo balandi baye basalaki eyoma le 6 janvier na Capitole na komeka kopekisa Congrès kondima elonga ya Joe Biden na maponami ma mokonzi ya mboka.

Bato pene na sambo bakufasi mpo na eyoma yango.

M. Trump atikaki ebonga na ye le 20 janvier ntango M. Biden alapaki ndayi mpe avandisamaki na bokonzi.

Basambeli ba M. Trump bazali koloba ete akoki te kosamba mpo asi akita bokonzi.

XS
SM
MD
LG