Liens d'accessibilité

Dernières nouvelles

Bakeli mibeko balekisi mokano ya kosambisa Donald Trump "Impeachment"


Nancy Pelosi, motambwisi ya ndako ya bakeli mibeko (House of representatives) na Capitole, Washington, 13 janvier 2021.

Bakeli mibeko bandimi na motango koleka, mokano ya kosambisa président Donald Trump to "Impeachment.

232 bandimi ete président Donald Trump ayakosamba liboso lya Congrès mpe 197 batelemelaki yango.

Ekomi mbala ya mibale Donald Trump atiami na "impeachment".

Ayanolaki mbala ya yambo na bofundami na koyokana na Russie mpo na maponami ma 2016 maye alongaki liboso lya Hillary Clinton.

Mbala eye, ba démocrates bazali kofunda M. Trump na eyoma balandi baye basalaki le 6 janvier 2021i na Capitole mpo komeka kopekisa bondimami ya bilembo ya maponami ya mokonzi ya mboka.

Bato motoba bakufaki na eyoma eye.

Etikali kaka mikolo sambo mpo M. Trump atika ebonga ya bokonzi mpo Joe Biden akozwa nokonzi le 20 janvier nsima na kolapa ndayi.

XS
SM
MD
LG