Liens d'accessibilité

Dernières nouvelles

Biden abengisi ba républicains na losambo yambo na bovandisami na ye na bokonzi


President elect Joe Biden na sénatrice Kamala Harris na Convention to likita linene lya ba démocrates na Milwaukee, Wisconsin, Etat-Unis, 20 aout 2020.

Joe Biden abengisi bakambi ya Congrès ya ba rٞpublicains mpe ya ba démocrates na losambo na cathédrale Santu Matayo na Washington mercredi yambo na bovandisami bwa ye bo’ mokonzi ya mbala 46 na Etats-Unis.

Mitch McConnell, mokambi ya ba républicains na Sénat, oyo azalaki ngambo ya Donald Trumo, andimi kozala na losambo yango.

Nancy Pelosi, mokambi ya bakeli mibeko na ngambo ya ba démocrates mpe Chuck Schumer na ngambo ya ba sénateurs démocrates bango mpe balobi bakozala.

Joe Biden atie milulu mya bolapi ndayi na ye na nse ya elombo ya "Amerika moko na lisanga".

Mboka ezali na likama mpe eningisami na maponami maye Donald Trump mpe baike ya ba républicains bazali koboya kondima elonga ya M. Biden.

Bato motoba bakufaki mpe pene na 150 bakangamaki na milulu balandi ba M. Trump basalaki na Capitole, mpo na kopekisa Congrès kosakola elonga ya M. Biden.

Kolanda bilembo bya baponi banene, M Biden alonagki na 306 mpe M. Trump azwaki 232.

Basoda bayindisi balabala na Washington na minduki mpe bayi bokengi bazali kokengele basoda baye na bobangi mobulu to likama. Likambo lisalama te wuto mibu mingi.

Bato baike nde bakozala na milulu mya bolapi ndayi ya mokonzi ya mboka miye misangisaka bato pene 250.000 mibu minso minei.

M. Trump alobi akobima na Maison Blanche, ndako ya mokonzi ya mboka, kaka mercredi na ntongo yambo na bobandi bwa milulu mya bolapi ndayi kasi akozala te na milulu myango.

M. Trump akokoma te mpe akotikela te mokanda na mokonzi akokitana na ye bo' esalama na momesa na ntango eye.

XS
SM
MD
LG