Liens d'accessibilité

Dernières nouvelles

COVID19 : OMS ekebisi Afrika na kolongola mikano ya makasi 


Cyril Ramaphosa, président ya Afrique du Sud (Afrika ya Ngele) azipi zolo na masque na Johannesburg, 24 avril 2020.

OMS, Mabongisi ma molongo mpo na bokolongono, ekebisi bikolo ya Afrika mpo na kolongola na lombango mikano ya makasi ya kotelemela COVID19 ntango eye mboka mingi elingi kobanda kofungola misala na molongo.

"Soki mbulamatari esukisi na mbalakaka mikano miye, tokoki kobungisa mbano eye bikolo biye bisili kozwa o’mokolo ya lelo na bitumba na COVID19," ekebisi na liyebisi Dr. Matshidiso Mpeti, directrice régionale ya OMS mpo na Afrika.

"Ezali litomba mingi kokoba kalanda mikano ya kokengela, kolandela bato bazwami na bokono mpe ba tests, kati na miko miye misengeli kosukisa pandémie (bokono boye bopanzani)," ebakisi Dr. Matshidiso.

Mpo na ye, mikano miye misali ete bopanzani bwa COVID19 bolembisama ata bokono boye bozali kaka likama ti sik’oyo.

OMS elobi bato 36.000 bayebani kozwama na COVID19 na Afrique mpe koleka 1.500 nde bakufi.

Afrika ezali kino sik’oyo continent oyo ezwi bokono bwango mingi te.

Libanda na Afrika, bikolo mingi bizali komilengele mpo na kofungola misala mya yango.

XS
SM
MD
LG