Liens d'accessibilité

Dernières nouvelles

Cour ya cassation ekopesa eyano na Kamerhe na 48 heures mpo na bobimisami na ye


Vital Kamerhe na bobimi na Cour ya Cassation na Gombe, Kinshasa, 3 aout 2020. (Twitter/Breaking News)

Cour ya Cassation elaki kopesa Vital Kamerhe, mokambi ya ndako ya molosa ya président Félix Tshisekedi, eyano na 48 heures mpo etali bosenga na ye ya kobimisama na boloko mpo na mwa ntango.

Vital Kamerhe azalaki lundi 2 août 2020 liboso lya ba zuzi na Cour ya Cassation elongo na abasambeli ba ye mpo etali bobimisami na ye mpo na mwa ntango.

Ezalaki kolanda na boboyi ya Cour d’appel ya kobimisa ye le 27 juillet.

Nzokande, Vital na na basambeli ba ye bakomeli mpe Cour ya Cassation mpo na kopalela bazuzi baye bakatelaki ye etumbu ya mibu tuku mibale ya misala makasi bakisa mibu zomi ya bopimelami makoki ma politiki na bosambisami mpo na bopengwisami misolo ya mikolo nkama ya Félix Tshisekedi na bokonzi.

M. Kamerhe afundi zuzi mokambi Bakenge Mvita na bazuzi babale basusu na mbeba ya kokosa.

Esengeli kozela eyano ya Cour ya Cassation mpo bofundi ya M. Kamerhe.

Nzokande bosambisami ya kozengela na bosenga ya M. Kamerhe botindikamaki le 7 août nsima na bobandi na yango mposo moko na ndambo moleki.

XS
SM
MD
LG