Liens d'accessibilité

Dernières nouvelles

Kamerhe akozala liboso lya bazuzi le 24 juillet


Vital Kamerhe, mokambi ya UNC, azali koyanola na bapanzi sango, na Kinshasa, 13 septembre 2014.

Vital Kamerhe, mokambi ya kala ya mokonzi ya mboka Félix Tshisekedi, akozala lisusu liboso lya bazuzi na bosenga bwa basambeli na ye nsima etumbu ya mibu 20 mya misala makasi mpe 10 bozangi makoki mapolitiki azwaki.

Basambeli ba Vital Kamerhe nde basengaki bazuzi kotala lisusu bosambisami ya Kamerhe.

M. Kamerhe akitisamaki o’likamba le 20 juin 2020 na Tribunal ya grande instance ya Kinshasa/Gombe na bosambisami na boloko ya Makala CPRK.

Afundamaki na kopengwisa pene na 50 millions $ ezalaki mpo na kotonga ndako 4.500 mpo na mikolo nkama ya bokonzi ya Tshisekedi. Asambaki mpe azwaki etumbu elongo nkolo compagnie Samibo, Samih Jammal na moyi import-export ya présidence Jeannot Muhima.

Basambeli ya Kamerhe basengaka kino lelo bilembo bitalisi bopengwisamai mosolo na M. Kamerhe, bandimaka te ndenge parquet ya grande instance ya Gombe nde ememaki ye na bazuzi ntango parquet ya Matete nde etunaki ye mituna mpe baboyaki ndenge mikanda misusu milakisamaki na baye bazalaki kofunda kaka na bosambisami.

XS
SM
MD
LG