Liens d'accessibilité

Dernières nouvelles
RDC

Cour const. elobi bolongoli ya député prov. Mukebayi ya Kinshasa ebukaki Mobeko likonzi


Mike Mukebayi (simisi ye pembe), ntoma ya etuka ya Kinshasa akangemi mpe amemami na boloko ya Makala, Kinshasa, 16 septembre 2019. (Serge Fikiri Kitongo)

Cour constitutionnelle ekataki vendredi 8 février 2020 ete bolongolami ya ba immunités ya député ya Kinshasa Mike Mukebayi Nkoso bobukaki mobeko likonzi.

Na mokano na yango, Cour constitutionnelle elongoli mokano ya Assemblée provinciale ya Kinshasa oyo elongolaki ba immunités ya Mike Mukebayi mpe epimilaki ye lifuta lya ye mpo na sanza zomi na mibale.

Mokano mwango mopesami ntango Mike Mukebayi asali sanza motoba na boloko mpo afundamaki na kofinga mokonzi ya mboka.

Cour constitutionnelle ekotinda mokano na yango na Cour d’appel oyo etelemisaki bosambisami ya M. Mukebayi.

Kolanda ba avocats ya M. Mukebayi, client na bango esengeli atikama mposo eleki.

XS
SM
MD
LG