Liens d'accessibilité

Dernières nouvelles

CENI: Bakambi biyamba motoba bazalaki te na likita na CENCO na ECC lundi


Mokambi ya Conférence épiscopale nationale du Congo (CENCO), Mgr Marcel Utembi elongo na molobeli ya CENCO, abbé Donatien Nshole na masolo na bapanzi sango na Kinshasa, 30 décembre 2016.

Bakambi biyamba motoba baye basi baponaki Denis Kadima mpo na kakamba CENI, na bozangi boyokani na CENCO (b'episkopo ya Katoliko), mpe ECC (eyamba ya ba misioni), bazalaki te na likita lisengelaki kosalema lundi, mokolo mwa suka ya ngonga 72 epesamelaki bango.

Dodo Kamba ya ERC (Eglise du réveil au Congo) molobeli ya biyamba motoba baye alobi, bazwaki mbela te.

"Tozwaki mbela te kasi toyokaki kaka nde likita lizali lelo kasi toyokanaki bongo te," elobi M. Kamba na bokutani ya lingomba lya balakisi bilongi ya biyamba motoba na bapanzi sango na Kinshasa.

M. Kamba alobi likita libengisamaki mokolo mwa mposo kasi elobamaki te ete likokoba mikolo misato.

Motambwisi ya Assemblée nationale, Christophe Mboso N'Kodia apesaki bakambi biyama ngonga 72 to mikolo misato mpo bayokana.

O'mokolo mwa mposo, Mgr Marcel Utembi, mokambi ya CENCO mpe motambwisi ya lisanga ya bakambi biyamba azalaki te na Kinshasa mpo awutaka nde Kisangani, archidiocèse akambaka.

Ngonga 72 yango ekosila lundi na minuit. Kasi bakambi biyamba bayokani kaka te.

Nzokande Jean-Pierre Bemba, motambwisi ya MLC mpe moko na bayi Union sacrée elongo na président Félix Tshisekedi atomboli mongongo mpo na kosanga bango koyokana mpo na bolamu ya ekolo.

Na ngambo na yango, CALCC (Conseil de l’Apostolat des Laïcs catholiques du Congo) esengi Conseil d’Etat kotelemela biyamba biye bisala ata mosala te na maye matali maponami mpe bizanga misisa na kati ya mboka.

Voir les commentaires

XS
SM
MD
LG