Liens d'accessibilité

Dernières nouvelles

Bureau ya ONU atelemeli bitumba na parlement ya RDC


Bakeli mibeko na ndako ya bokeli mibeko na Kinshasa, 15 décembre 2012.

BCNUDH (Bureau conjoint ya Nations unies mpo na makoki ma bomoto) etelemeli bitumba bizali kongala wuto mikolo mibale na ndako ya bokeli mibeko ya RDC.

"BCNUDH epameli makasi bitumba kati na mpe niznganzinga ya Palais du peuple, (bitumba) biye kikoki kotambola te na maye masengli na mboka ya démocratie," ekomi BCNUDH na liyebisi litiami na Twitter.

"… esengi na bayi politliki komipekisa mpe kotia liboso makoki ma kimya mpo koloba maye bazali na yango," ebakisi BCNUDH.

Bitumba bingalaki kati mpe libanda lya ndako ya bokeli mibeko na ntongo.

Baye balingi bolongwi ya Jeanine Mabunda na Bureau ya Assemblée, elongo na balandi babango, babundaki ba baye bazali mpo mpo bango.

Nsima na yango, boko na bakeli mibeko, 279, basangaki na ndako ya spectable mpo na kobanda kotala mokanda mozali kosenga bolongwi boye.

Lundi, molakisi elongi ya kalaka mokonzi ya ONU, Leila Zerrugui, akebisaki ete mobulu mokoma na lolenge moto akokoka te koboma moto.

Kalaka mokozi ya ONU, Antoinio Guterres, ye moko mpe asengaki masolo kati bayi politiki banso ya RDC na kolanda Buku likonzi.

XS
SM
MD
LG