Liens d'accessibilité

Dernières nouvelles

Bozuwi ya Sindika Dokolo na molongani wa ye Isabel dos Santos bokangami na Angola


Sindika Dokolo (na nsima) na molongani wa ye Isabel dos Santos, mwana ya mokonzi ya kala ya Angola, José Eduardo dos Santos, na Maia, Portugal, 5 février 2018.

Ba comptes bancaires mpe ba actifs (bozuwi bozali na ba companies) ya Sindika Dokolo na molongani wa ye Isabel dos Santos, mwana ya mokonzi ya kala ya Angola, ekangami na Luanda, kolanda mokano ya justice.

Misala ya bosembo ya Angola mizali kopamela mbeba na ba affaires esalamaka na ba entreprises ya mbulamatari, na Sonangol (Société nationale ya pétrole ya Angola) oyo ekambamaki na Isabel dos Santos na Sodiam (Société publique ya boteki diamants).

Mbeba yango ezangisi l’Etat ya Angola pene na milliards moko ya ba dollars, kolanda liyebisi ya procureur ya mokolo ya lundi.

Triibunal ezwaki mokano ya kokanga bozwi na bango le 23 décembre.

Moyi mobombo ya ekolo Portugal Mario da Silva, ye mpe lokola, akweyi na etumbu yango.

Mikano miye mikopekisa te basali bakoba kosala misala mya bango, kolanda procureur.

Sango ya elikya… Tokokoba mikolo minso kosala mosala na biso, mpe tokosala yango malamu.. Nzela ezali molayi, bosolo nde ekolonga, ekomaki na compte Twitter na ye Isabel dos Santos/

Isabel dos Santos akambaki Sonangol banda 2016 kino 2017. Balongolaki ya na mokonzi ya sika Joao Lourenço oyo akitanaki na José Eduardo dos Santos tata na Isabel.

M. Lourenço alongola na mosala bayike ya baye bazalaki nzinganzinga ya mokonzi ya kala Eduardo dos Santos.

José Filonemo dos Santos, ndeko ya Isabel, azali kosamba uto libandela ya sanza ya décembre na Luanda mpo makambu ya kaniaka.

Voir les commentaires

XS
SM
MD
LG