Liens d'accessibilité

Dernières nouvelles

Bozongeli bwa biteyelo ya primaire mpe secondaire bopusani na le 10 août


Bana kelasi na zenla ya eteyelo na Mpondwe pene na Ouganda, 14 aout 2019.

Bozongi ya biteyelo ya primaire na secondaire bopusani na le 10 août 2020, elobi ministre ya EPST (Enseignemenet primaire, secondaire et technique), Willy Bakonga.

"Mpo na mabongisa ya maye matali technique na administration, bozongi kelasi bosakolamaki yambo mpo lundi 3 août 2020 botindikami na lundi 10 août 2020 na 7h30," ekomi minsitre Bakonga na compte Twitter na ye.

Kelasi ekeangamaki le 24 mars 2020 na mibeko président Félix Tshisekedi azwaki mpo na kopekisa COVID1 epenzana na mboka.

Président Tshisekedi alongolaki état d’urgence mposo moleki mpe mbulamatari ezwaki mikano ya kobanda kofungola misala.

Bozongeli ya kelasi botali mingi yambo bakelasi ya suka ya primaire mpe ya secondaire mpo bayekoli basengeli kosala momekano ya suka cycle na bango; test ya ya Tenafet mpo na primaire mpe examen d'Etat mpo na secondaire.

Lundi 3 août, ba administratifs nde bazongeli mosala na bieteyelo, ebakisi ministre Bakonga.

Kolanda linaka ministre Bakonga asakolaki mposo moleki, examen d’Etat esengeli esalama wuto le 24 kino le 27 août 2020.

Voir les commentaires

XS
SM
MD
LG