Liens d'accessibilité

Dernières nouvelles

"Bobi Wine" alobi asengi CPI kolandela Museveni na bobomi ya basungi ba ye


Bilili bya président Yoweri Museveni Kaguta na ya Robert Kyagulanyi to alanga nzembo bobi Wine, ba candidats babale na maponami ma mokonzi ya mboka ya le 14 janvier 2021 na Ouganda.

Alanga nzembo ayebana na nkombo ya Bobi Wine, Robert Kyagulanyi oyo azali kowelela bokonzi ya mboka na président Yoweri Museveni na maponami ma le 14 janvier, alobi asengi CPI kolandela mokonzi ya Ouganda na liwa ya basungi baye.

M. Kyagulanyi, na mibu 38, alobi azali kofunda M. Museveni elongo na bakonzi ba bokengi basusu na koluka motu na ye mpe ya bayi nzinganzinga na ye.

"Nazali kolikya ete CPI (Cour pénale internationale) ekozongisa ye na molongo"… "Bayi molongo basali mingi te mpo na kosunga bana ba Ouganda," elobi Bobi Wine.

Alanga nzembo oyo, akangisamaki na ndako wuto 2018. Bokangami na ye na na novembre eleki bomemaki mobulu na mboka, mpe bato 54 bakufaki.

M. Museveni, na mibu 75, azali na bokonzi wuto 1986.

XS
SM
MD
LG