Liens d'accessibilité

Dernières nouvelles
RDC

Bato 12 basusu balandelami mpo na Ebola na Goma


Dr. Jean-Jacques Muyembe, mokambi ya misala ya bitumba na bokono ya Ebola, na Goma, Nord-Kivu, 2 août 2019. (Facebook/Présidence RDC)

Bakonzi ya bokolongono bazali kolandela bato 12 basusu o'mokolo ya mposo na Goma mpo na bokono ya Ebola, esakoli présidence ya Congo démocratique.

"(Bato) 12 bawutaki nzinga nzinga (na Goma) bazali kolendelama kolanda protocole ya alerte ya misala ya bitumba na Ebola (mpo na kotala soki bazali na bokono boye)", elobi liyebisi ya présidence.

Misala ya mokonzi ya mboka eyebisi ete bato motoba basusu baye bazalaki testés négatifs (bamonisamaki te na bokono) mbala mibale, babimi na bisika babombaka bato ya bokono ya Ebola.

Nzokande, lolenge ya bato babale baye bamonani na virus Ebola, lozali kimya (stable). Bato babale baye bazali bongo mwasi mpe bébé ya moluki wolo oyo akufaki o’mokolo ya minei moleki na Ebola na Goma.

Moluki wolo oyo azalaki moto ya mibale ya komonana na Ebola na engumba eye ya bato koleka millions mibale mpe eye ekangami na Rwanda.

Bokono boye bosali mobu mombimba mpe bobomi bato 1.823 banda mozali kongala.

Votre avis

Voir les commentaires

XS
SM
MD
LG