Liens d'accessibilité

Dernières nouvelles

Basoda mpe ba policiers 21 basambisami mpo kozwa na basi na makasi na Ruzizi


Bato baike bazali kosambisama na tribunal militaire à Kavumu, Bukavu, Sud-Kivu, 13 décembre 2017. (VOA/Ernest Kavumu)

Misala mya bosembo mya basoda mizali kosambisa basoda mpe ba policiers 21 wuto lundi na Sud-Kivu, mpo kokamata basi 23 na makasi.

Basi 23 baye basungami na Foundation Panzi ya Prix Nobel Dr. Denis Mukwege.

"Tollingi bosambisami boye bopesa ndakisa mpe endimisa baye basimba minduki ete kosala makambo mabuki mobeko lokola kozwa basi na makasi ezali mbeba," elobi procurer ya baso, capitaine Joseph Nganama.

Basoda mpe bapoliciers baye basambisami mpo na "viols, violences sexuelles" basalaki mobu moye (2020)na etando ya Ruzizi, kati na Bukavu ne Uvira, esika mangomba ya basimba minduki mpe bato mabe ezalaka mingi.

Basi ya mibu minso kati na bango elenge mwasi ya mibu libwa moko mpe elenge mobali moko bazali, kati ya baye bapesamaki mpasi eye na basoda mpe ba policiers baye, kolanda Fondation Panzi.

Makambo mango masalamaki na mboka mingi lokola Luvungi na ndelo na Burundi.

XS
SM
MD
LG