Liens d'accessibilité

Dernières nouvelles

Angola

Basoda ya Angola bamonani na Kongo central

Ba soda ya Angola na Musée national ya mampinga ya Angola, Luanda, le 17 septembre 2018.

Moto moko akufi na masasi mawutaki na baye bamonani lokola ba soda ya mampinga ya Angola, o’mokolo mwa lundi na secteur ya Kakongo, na Lukula, na Kongo central, elobi Chef ya secteur ya Kakongo, Nduma Nkungu.

Bavandi ya esika eye balobi ete mampinga ya ekolo Angola bazali kokota na Congo démocratique banda mposo mibale mpo na koluka ba séparatistes to baye balingi bokabwani ya enclave ya Cabinda.

"Ezali basoda ya Angola nde bavandi na zamba ya mboka minei. Babetaki elenge moko masasi mpe awaki mpo bakanisaki ete azalaki moko ya baye ya Front de libération ya enclave ya Cabinda (Flec). Tomoni bango na zamba na minduki mpe sokoto ya ekolo Angola," eyanoli na VOA Lingala Antoine Tshimbuka, moko ya baye ya société civile na mboka Bambi, na Kakongo pene na ndelo na Angola.

Nduma Nkungu mpe apesi nse sango moko wana na AFP.

Bango babale balobi ete mampinga ya Angola mazali koluka babundi ya FLEC.

Kasi mokambi ya Société civile ya territoire ya Lukula, Firmin Manga Baku ayebisi VOA Lingala ete azwaki mpe sango ya bomonisami ya mampinga ya Angola na Lukula, kasi na ndelo na mboka na bango.

"Sango tozwaki koleka mposo mibale ezalaki ete basoda ya Angola bamonisaki na mabele ya Lukula kasi balobaki ete babungaki nzela mpe basalaki mabe na moto moko te. Kutu, basalisaki moto moko azalaki na mpasi ya liwa. Kasi oyo etikali koleka banda ntango wana toyebi te," elobi mwana mboka Manga Baku, oyo azwami na Lukula, kasi na 180 kms ya ndelo na Angola.

Na ngambo na ye, chef ya secteur ya Kakongo, Nduma Nkungu, alobi ete gouvernement provincial etindaki bato kosala bolukiluki.

Kasi bakonzi ya etuka balingi naino te koloba likambo liye ntango bazwaki motuna ya bapanzi sango.

See all News Updates of the Day

Sango ya le 14 mai 2019 na VOA Lingala

Sango ya le 14 mai 2019 na VOA Lingala
Attendez s'il vous plaît

No media source currently available

0:00 0:05:14 0:00

Mwana ya dos Santos alobi akimi mboka na ye

Banda gauche ti droite, bana ya Eduardo dos Santos: Filomeno dos Santos, Isabel dos Santos, Tchizé dos Santos mpe Paulino dos Santos (Coreon Du)

Welwitschia dos Santos, deputée ya ekolo Angola mpe mwana ya mwasi ya mokonzi ya kala Eduardo dos Santos, asakoli, kowuta Londres (Angleterre), ete akimi mboka na ye.

"Nazalaki na nse elaka ete basala nga mabe epayi ya lingomba moko ya ba parlementaires mpe ya basali ya mosala ya bokengi," elobi Welwitschia oyo abengamaka na nkombo ya Tchizé. Mongonngo na ye ekabolamaki na bapanzi sango ya Angola, mpe ekomelaki VOA Lingala.

Sango epesemaki na Jeune Afrique.

"Na kimaki banda bakangaki député moko na avion" na janvier, elobi Mme Welwitschia.

Député yango, Manuel Antonio Rabelais, azalaki ministre ya kala ya président dos Santos, balandelaki ya mpo ko kosalela mbongo ya l’Etat, apekisamaki kobima na Angola ntango azalaki komibongisa mpo na kozwa mpempo mpe kokende na Lisbone, na Portugal.

Mwana na liboso ya dos Santos, Isabel dos santos mpe avandaka na Londres, aboyaki kala te koyanola ba convocations ya bakonzi ya bosembo ya Angola mpo na bolukiluki likolo na ba virements suspects asalaki ntango azalaki PDG ya Sonangol.

Sango ya le 9 mai 2019 na VOA Lingala

Sango ya le 9 mai 2019 na VOA Lingala
Attendez s'il vous plaît

No media source currently available

0:00 0:06:08 0:00

Joao Lourenço atieyi bakonzi ya sika na Sonangol

Président Joao Lourenço ya Angola na mobembo na ye na Moscou, Russie, le 4 avril 2019.

Président Joao Lourenço alongoli na mosala mokambi to PDG ya Sonangol (Société ye pétrole ya ekolo liye) na basungi baye.

Meko yango esakolamaki mercredi na buku kasi eyebisi te ntina nini.

Kolanda meko yango, Gaspar Martins nde akomi mokonzi ya sika ya Sonagol mpe azuwi esika ya Carols Satumino.

Angola ezali na bozangi ya pétrole ya makasi mikolo miye.

Voir plus

XS
SM
MD
LG