Liens d'accessibilité

Dernières nouvelles

Basimba minduki bazwi na makasi bana kelelasi koleka zomi ntango ya dissertation na Isiro


Education- RDC Ecole

Basimba minduki bayebani te bakotaki na eteyelo moko na Isrio na Haut-Uele, na Institut Rungu, mpe bazwaki na makasi bana kelasi pene na zomi baye bazalaki kosala momekano mwa dissertation ya Examen d’Etat.

Basimba minduki yango bakamataki na makasi bilenge basi pene na zomi, kolanda litatoli lya sango Georges Semende na Top Congo.

Sango ya commission justice et paix (bosembo mpe kimya) ya diocèse ya Isiro ayebisi ete kaka moyekoli moko nde andimi ete bazwaki ye na makasi kasi basusu bazali komibomba.

Bato mabe baye babotolaki mpe biloko mingi lokola misolo na telephone, ebakisi sango Semende.

Mposo moleki babundi basusu basalaki bitumba pene na eteyelo moko na mboka Ngoyi, na Masisi, bapetaki mpe masasi.

Bilenge babale bakufaki na mboka Ngoyi mpe babale basusu bazokaki ntango bazalaki na momekano ya suka ya primaire TENAFET.

"Nayoki nkanda mpo na bitumba mpe kokamata bayekoli basuka ya kelasi baye na Isiro ntango bazali kosala momekano ya dissertation, yango elandi eye ya Masisi. Na paleli bitumba biye bizongela mbala mosusu mpe nasengi na boyokani FCC-CACH kozwa mbano na misala mabe ya ba ministres mpe misala misengeli kotia bokengi," ekomi moko na bayi politiki Claudel André Luaya.

Voir les commentaires

XS
SM
MD
LG