Liens d'accessibilité

Dernières nouvelles

APUKIN epekisi ba professeurs ya UNIKIN kozongela kotingisa


Président Félix Tshisekedi liboso ya ba yekoleni na Université ya Kinshasa (UNIKIN), Kinshasa, RDC, 10 aout 2020. (Présidence RDC)

Syndicat ya balakisi ba Université ya Kinshasa (UNIKIN), APUKIN, epekisi ba professeurs bazongela kotangisa, mpo na grève ezali kino mbulamatari ekopesa bango lifuta lilamu.

Mokano mwango mosakolami mokolo moko nsima na président Félix Tshisekedi kobeta piololo ya bonzegeli kelasi nsima na état d’urgence.

APUKIN ekundoli ete balakisi batelemisaki mosala wuto yambo na kelasi kokangama.

"Likita linene (assemblée générale) lizwi mokano ete tokoba na botelemisi mosala, kasi topesa nzela na ba facultés baike kosilisa ba délibérations na yango, ba travaux de fin d’études mpe ba défense ya ba mémoires ya mobu 2018-2019," elimboli professeur Michel Makaba Ngoma, molobeli ya APUKIN.

APUKIN epesi mbulamatari mposo mibale mpo na kokisa bilaka epesaki bango mikolo mileki.

Balakisi ya UNIKIN bazali kosenga mbulamatari kolongola mpako ya lifuta na mbango (IPR) mpe epesa bango lifuta lya 5.000$.

Mbulamatari ekangaki UNIKIN na février nsima na mobulu bana kelasi basalaki mpo na koboya botelemisi mosala ya balakisi.

Kasi le 24 mars, président Tshisekedi akangaki biteyelo mbison mpo na état d’uregence ya kopekisa COVID19.

XS
SM
MD
LG