Mokonzi ya Angola mpe mobondisi ya Union africaine na matata na est ya RDC, João Lourenço akutanaki o’mokolo mwa mosala mwa mitano na mokambi ya likita litali bitumba bya ONU, Michael Imran Kanu na masolo mpo na est ya bokengi na monyele ya RDC.
« Kotala mambi ma bokengi na RDC » nde ezali ntina ya bokutani bwango, elobi na liyebi misala mya mosala mwa mokonzi ya mboka ya Angola.
Likita lya João Lourenço na Michael Imran lisalami nsima na bokutani mingi kati na bakonzi ba RDC na bayi Rwanda na bobondisi bwa ba Angola.
RDC na Rwanda batiaki manzaka na boyokani ya botelemisi bitumba na sanza ya mwambe eleki. Kati bitumba bisalamaka mbala mingi wtua ntango yango.
Kinshasa efundaka Kigali kobunda na mabele ma yango nsima na batomboki ba M23 mpe Kigali epamelaka Kinshasa kopesa maboko na batomboki ba FDLR baye bakima mboka na bango nsima na génocide na 1996.
ONU esi epasa etumbu na 2012 na baike na batomboki ba M23 na mokonzi na bango Sultani Makenga.
M23 epesama mpe etiama mpe na nkasa ya ONU ya mangomba ma badongolomeso.
Ekolo Amerika mpe epasa etumbu na bakambi na M23 baike lokola mpe na mokambi ya kala ya CENI )misala mya maponami na RDC) Corneille Nangaa oyo azali kokamba lingomba AFC liye lizali na boyokani na M23 na bitumba na est ya RDC.
Forum