Liens d'accessibilité

Dernières nouvelles

Willy Bakango asambisami na lombango na Cour ya cassation


Ministre ya ESPT, kelasi ya masano elongo na coach Patrice Neveu ya ba Léopards ba ndembo, Kinshasa, 21 avril 2008.

Ministre ya kala ya kelasi ya nse, kati kati mpe technique, Willy Bakonda, asambisami na lombango jeudi Cour ya cassation an Gombe na Kinshasa, mokolo moko nsima na kozongisama na mbulamatari ya Congo-Brazzaville epayi wapi akangamaki na kozwama na mpepo ntango alukamaki na Kinshasa.

M. Bakonga akomaki nde mercredi na mpokwa na Kinshasa mpe apesamaki na DGM (Direction générale ya migration) yambo apesama na Cour ya cassation.

Ministre ya kala ya EPST, kelasi ya nse, ya kati mpe technique ya mbulamatari ebimi na mosala na RDC, atindami Kinshasa na bakonzi ba Congo-Brazzaville epayi wapi akanagamaki le 20 avril eleki.

M. Bakonga akangamaki le 20 avril na libanda lya mpepo ya Maya-Maya, na Brazzaville, kati na mpepo ya Air France elingaki komema basali mibembo na Paris.

Nzokande yambo na yango, M. Bakonga abengisamaki mpe azelamaki na parquet général ya Cour ya cassation le 16 avril 2021 mpo na botangami bwa ye na bopengwisi misolo miike lokola pene na 1,5 millions dollars mizalaki mpo na kobatela biteyelo na coronavirus mpe mpo na misolo misusu mpe mpo na kotia biteyelo ya lokuta lokola mpe balakisa balokuta na nkasa ya kozwa misolo mya l’Etat.

M. Bakonga akenda na mbyangama yango te.

ONG ACAJ (Association congolaise pour l’accès à la justice) elobaki ete azwamaki na libanda lya mpepo lya Maya-Maya na millions mibale ya ba dollars na libenga lya ye.

ANAC (Agence nationale ya aviation civile) endimaki bokangami ya M. Bakonga kasi epesaki sango ya misolo myango te.

Mbulamatari ya RDC esengaki bozongisami na M. Bakonga mpo atelema liboso lya bazuzi.

Bakonzi baike ya misala mya botangisi bakatelamaki mibu 20 mya boloko nsima na kosambisama mpo na kopengwisa misolo mya kelasi ya ofele.

Batangaki M. Bakonga oyo awanganaka.

Voir les commentaires

XS
SM
MD
LG