Liens d'accessibilité

Dernières nouvelles

USA epesi etumbu na Alain Mukonda mpo na kosunga Dan Gertler na misala kobomba misolo


Dan Gertler, homme d’affaires ya Israël, na Tel Aviv, 18 september 2000.

Département ya Trésor ya Etats-Unis esakoli ete epesi etumbu na moyi RDC Alain Mukonda mpo na lisungi apesaki moyi mombongo Dan Gertler na kobomba misolo.

Département Trésor ya Etats-Unis elobi ete Alain Mukonda abombaki kati na $11 million mpe $13.5 million na ba comptes akelaki nzokande ezalaki nde ya libota lya Gertler.

Alain Mukondo azali moto way ambo ya kopesama etumbu ntango président Joe Biden alingi kosala likita mpo na démocratie.

“Trésor ezali kopesa maboko na na misala mya kobundisa kaniaka miye mizali kosalama nsima na meba ya lolelenge ya politiki baye bazalaki kozwa mbano na ndenge ya mabe kaka mpo na bango moko kowuta na libenga lya l’Etat, » elobi na liyebisi Secretaire d’Etat molandi ya Trésor, Wally Adeyemo.

Ba compagnies zomi na mibale ezali na boyokani na M. Mukonda na RDC mpe Gibraltar epayi wapi batiami mpe na mokanda ya etumbu.

Etats-Unis epasaki etumbu na M. Gertler mpe ba compagnies misusu koleka 30 ma décembre 2017 mpe na juin 2018.

Etats-Unis efundaka bango na koselela bondeko na bango na mokonzi ya kala Joseph Kabila mpo na kozwa misolo na misala mya makele to ba mines.

M. Gertler awangaka yango.

Mobu moye alakaki kofungola bozwi to ba compagnies na ye na bana ba congo baye bakolinga kotiyw misolo na kati mpo na kopekisa ete bapaya bazwa misolo mya makele ma RDC.

M. Mukonda lokola mpe M. Gertler batangami mpe na rapport ya ba media «Congo Hold-up” na BGIF Bank na Sikomines ya ba Chinois.

Inspecteur general ya Finances ya RDC, Jules Alingeti Keyi, alobaki ete rapport yango ezali na makambo misusu ya solo te.

XS
SM
MD
LG