Liens d'accessibilité

Dernières nouvelles

UDPS ekebisi bato bazali komemisa yango mokumba ya "milice" ekangami na Kingabwa


Président ai ya UDPS, Jean-Marc Kabund (C) na secretéraie général ya UDPS na likindo ya lisanga ya politiki liye na Centre NGanda, na Kinshasa, le 31 janvier 2020. (Facebook/Michel Ilunga Katomba)

Kalaka mokonzi ya UDPS, lingomba lya mokonzi ya mboka, Félix Tshisekedi, akebisi bato banso bazali komemisa lisanga lya ye mokumba mwa baye bakangamaki na kozwa malakisa ma basoda na boyawuli na Kingabwa, Limete.

Augustin Kabuya akomi maoba ma bokebisi na compte Twitter na ye.

"Baye bazali komemisa mokumba ya lingomba lya bato baye ya yawuli na UDPS, esika na bango ezali na CNPP," (epayi basilisa bato na moto), ekomi na Twitter kalaka mokonzi ya UDPS.

"Soki na opposition tosalaki yango te, mpo na nini kosala yango ntango tozwi bokonzi?" emitunu, Augustin Kabuya.

Mokambi ya police na Kinshasa, Commissaire divisionnaire adjoint Sylvano Kasongo asakolaki lobi loleki ete bato na yawuli 23 bakangamaki mercredi na Kingabwa.

Commissaire Kasongo alakaki ete baye batikali bazali kolukama, ezala baye batindaki yango.

Bililingi bitambolaki yambo na yango kolaki ete police kokita na esika bazalaki kolanda malakisi mango na bobatelami ya baye bazalaki na sokoto ya garde présidentielle.

Masasi mabetamaki.

Bato bango bazalaki koyemba na koloba ete bazali ba garde de la paix mpo na kabatela mokonzi ya ekolo.

XS
SM
MD
LG