Liens d'accessibilité

Dernières nouvelles
RDC

Tshisekedi ayebisi mbulamatari ete général Kayimbi akufaki na singa na kingo


Général Delphin Kahimbi

Mbulamatari ya ekolo Congo démocratique na bokambami ya président Félix Tshisekedi elobalaki liwa ya général-major Kahimbi na bokutani bwa yango ya mokolo ya mitano.

"Président Tshisekedi ayebisi mbulamatari ete azwaki mokano ya kotinda lipinga ya bolukiluki ya bonsomi kolanda makanisi ma MONUSCO, kasi alobaki, kolanda maye ayebi, général Delphin Kahimbi akufaki na liwa ya singa na kingo," esakoli molebeli ya mbulamatari David Jolino Makelele.

Général-major Kahimbi, mokambi ya DEMIAP, misala ya bokengi ya mampinga, akutamaki akufa vendredi le 28 février, mokolo esengelaki akende koyanola na Conseil national ya sécurité.

Mokolo moko yambo na yango, epemisaki na mosala mwa ye mpe ba soda bakengelaka ye bolongolamaki.

Azwaki mitindo ya kobima mboka te mpe abotolomaki passeport.

Mposo moko yambo na yango apekisamaki kozwa mpepo mpo na kokende Afrique du sud.

XS
SM
MD
LG