Liens d'accessibilité

Dernières nouvelles
RDC

Tshisekedi apaleli eyoma likolo na bapaya na Afrika ya ngele


Président Félix Tshisekedi (2e D) na mokani wa ye ya Niger Mahamadou Issoufou (2e G) na mokonzi ya kala ya Liberia Ellen Johnson Sirleaf (1ere G) na Forum Mokutani, Kinshasa, 6 septembre 2019. (Facebook/Présidence RDC)

Président Félix Tshisekedi apeleli, na bokutani ya nkita 5e Forum Mokutani na Kinshasa, eyoma likolo na bapaya ezali kosalema na Afrika ya ngele.

"Awa nde libaku ya koloba polele mpo etali makambo mabe maye mazali kosalema na Afrika ya ngele. Yango nde nazali kopalela na makasi," elobi Félix Tshisekedi na lisikulu na ye na bofungwami ya Forum Mokutani.

Mokambi ya ekolo Congo démocratique alobi ete bapaya nde basimbi 80% ya industrie mpe mombongo na RDC mpe bapesa misolo ya mpako moye ekolo ezwaka..

"Yango emonisi ete bomikotisi ya bana ya mboka na nkita ya ekolo ezali mpenza moke… Esengeli ete bana ya mboka bazala bato ya yambo na kotiya mosolo na bango na bokeli misala… Kasi nalingi makambo polele : tozali koboya bapaya te, tokokoba kayamba bango malamu (na ekolo na biso)," ebeti seke Félix Tshisekedi.

Mahamadou Issoufou, mokonzi ya Niger azali mpe na bokutani yango. Ndenge moko mpe na mokonzi ya kala ya Liberia Ellen Johnson Sirleaf.

M. Issoufou akomaki na Kinshasa mercredi na mpokwa.

Voir les commentaires

XS
SM
MD
LG