Liens d'accessibilité

Dernières nouvelles

Pompeo apesi losako na bitumba ya kaniaka na Angola


Secrétaire d'Etat ya Etats-Unis, Mike Pompeo (D) na molongani wa ye Susan Pompeo (C) na masolo na mokokani wa ye ministre ya mambi ya bapaya ya Angola Manuel Domingos Augusto na libanda ya mpepo ya Luanda, na Angola, 17 février 2020.

Secrétaire d’Etat ya Etats-Unis Mike Pompeo apesi losako lundi na Luanda na bitumba na kaniaka président ya Angola Joao Lourenço azali kosala, mingi mpenza na baye ya libota ya mokonzi ya kala José Eduardo dos Santos.

"Na mibu mibale na ndambo, président Lourenço asali mosala malamu ya kokomisa (kaniaka) elili ya pamba," elobi Mike Pompeo na bokutani na bapanzi sango.

"Joao Lourenço amatisi lolelenge makambo matambolaka na polele, azali kosunga ba institutions financières na mosala na bango mpe kolandela ba oyo basengeli na etumbu," eybisi M. Pompeo.

Secrétaire d’Etat ya Amerika azali na mobembo na mboka misato ya Afrika. Abandaki na Sénégal o’mokolo ya eyenga, akomi na Angola mpe azali kokenge na Ethiopie.

"Nazali na kondima ete na misala na ye, (Lourenço) akosikola Angola na kaniaka," ebakisi M. Lourenço.

Wuto akoma mokonzi, M. Lourenço atia alima na misala ya mboka mpe na ba compagnies, na misala ya bokengi ya mboka na ye. Azali moyi lingomba ya MPLA liye lizali na boknzi wuto 1975.

Mingi na bayi nzinganzinga mokonzi ya kala José Eduardo dos Santos balandelami mpo na kaniaka.

Isabel dos Santos, mwana mwasi ya Eduardo Santos, oyo azalaki mokonzi ya kala ya Sonangol (société nationale ya pétrole) afundami mpo na kopengwisa misolo ya l’Etat mpe koluka kozingsia yango na kobombana na nzela ya mayuya. Kasi ye alobi ete ezali likunya ya bayi politiki.

Ndeko na ye ya mobali, José Filomeno dos Santos oyo akambaki fonds souverain ya mboka azali kosamba wuto décembre na Luanda mpo na kobengwisama misolo ya l’Etat.

Tata na bango, José Eduardo Santos akambaki mboka wuto 1979 kino 2017. Alongwaki mpo na bokolongo na nzoto, mpe Joao Lourenço alongaki maponami.

XS
SM
MD
LG