Liens d'accessibilité

Dernières nouvelles
RDC

Mokambi ya Rawbank atindami na Makala


Président Félix Tshisekedi (2e G) na ministre ya Finances, Sele Yalaghuli, bazali kosolola na DC ya Safricas, David Blattner (4e D) na DG ya Offices des routes, Mutima Sakrini (1e G), na chantier moko ya Saut-de-mouton, Kinshasa, 14 février 2020. (Faceboo

Mokambi to directeur général ya Rawbank, Thierry Taeymans, atindami na boloko ya Makala nsima na koyanola mokolo moleki na parquet mpo etali misala ya mikolo nkama ya yambo ya bokonzi ya président Félix Tshisekedi.

"Lokola na ba operations moko moko esalamaka na banque, Rawbank elobi ete etosaki mibeko minso," ekomi Rawbank ne liyebisi.

M. Taeymans ayonalaki jeudi na parquet ya Matete mpo etali ba transactions (bosombitinyami ya misolo) mpe ba transferts (botindami ya misoslo) ya compagnie Somibo mpo na misala ya 100 jours na bkonzi ya president Tshisekedi.

Mokambi ya Somibo nde azalaki moto ya mibale ya kotindama na Makala mpo na bozangi kotonga ba logements sociaux lokola ezali na contrat na mbulamatari.

"Lokola acteur responsible oyo alandaka bosaleli misolo na lolenge ya malamu na misala mya ye, Rwabank emipesi na bakonzi ya bosembo mpo na koyanola," elakisi liyebisi ya Rawbank.

Mokambi ya Rawbank akomi moto ya minei ya kotindama na boloko ya Makala mpo na bolukiluki likolo ya misala ya 100 premiers jours ya M. Tshisekedi.

XS
SM
MD
LG