Liens d'accessibilité

Dernières nouvelles
RDC

Mituka mibale ya bitumba na Ebola mizuwi masasi na Butembo


Motuka ya Médecins sans frontières ezikisami na Centre de traitement ya Ebola na Itav, Butembo, Nord-Kivu, 28 février 2019. (VOA/Erikas Mwisi)

Mituka mibale mimemaki badokotolo ya misala ya kobundisa Ebola mizuwi masasi, eyebisi bayi police mpe OMS (Mabongisi ya bokolongono ya molongo).

Colonel Richard Mbambi, mokambi ya police ya Butembo, na Nord-Kivu, alobi ete ezali basimba minduki nde babundisaki mituka miye na Palatalisa, pene na Butembo.

"Bilembo ya masasi bitikali na mituka. Malamu nde mpo moto moko te azoki," elobi Col. Mbambi na AFP.

Moko na bayi OMS ayebisi ete minganga misato ya ministère ya Santé elongo na moko ya OMS bazalaki na mituka miye.

Minganga yango basalaka na Centre ya traitement ya Ebola (CTE) ya Butembo mpe bazali bango banso bana ya Congo démocratique.

Mbala nzike, misala mpe bisaleli ya bitumba na Ebola mibundisama na batomboki, basimba mitunduki mpe masanga ya auto-défense baye bazalaka na bisika biye batelemelaka bokundi bato na ndenge ya bokengi.

Bokono ya Ebola bobomi bato 1.823 na mobu moko banda bozali kongala na monyele ne est ya RDC.

XS
SM
MD
LG