Liens d'accessibilité

Dernières nouvelles

Ministre wa Yambo na mbulamatari batiki mosala na Congo-Brazzaville


Premier ministre ya Congo-Brazzaville Clément Mouamba, Brazzaville, (Photo mai 2015).

Clément Mouamba, Ministre wa Yambo ya Congo-Brazzaville, atiki mokanda ya botiki mosala ya mbulamatari na ye, na mokonzi ya mboka Denis Sassou N’Guesso.

"Président Sassou andimi botiki mosala yango mpe atondi ba ministres banso na mosala basalaki wuta mibu mitano," elobi liyebisi lya ndako ya mosala ya mokonzi ya mboka.

Botiki mosala yango bosalami na kolanda maponami ma mokonzi ya mboka ma la 21 mars 2021 malongamaki na président Sassou mpo atikala na bokonzi akambaka wuto mibu 37.

Président Sassou nde alongaki maponami mango na 78,40%, kolanda lisakoli lya Cour constitutionnelle.

Mbulatari yango, elobi ndako ya mosala ya M. Sassou, esungaki na kotia na mosala mabongisi ma président Sassou mabenagami "Botamboli na kokende na ntombwa. Tokende banso mosika elongo (Marche vers le développement. Allons plus loin Ensemble)".

Président Sassou akotia ministre wa Yambo mikolo mikoya. Kasi Clément Mouamba mpe akoki kozonga na ebonga na ye.

Mikolo mileki, M. Mouamba akebisaki ba ministres baye bazalaki kokota lisusu te na makita ma mbulamatari na kozelaka kotika mosala nsima na maponami.

XS
SM
MD
LG