Liens d'accessibilité

Dernières nouvelles

Congo-Brazzaville

Boyokani na FMI bozali nkisi ya bokono bonso te, elobi PM ya Congo-Brazzaville

Premier ministre ya Congo-Brazzaville Clément Mouamba, Brazzaville, (Photo mai 2015).

Premier ministre ya Congo-Brazzaville, Clément Mouamba alobi ete boyokani na FMI (Fonds monétaire international) bozali nkisi bokobikisa na bokono bonso te.

M. Mouamba asololi na bapanzi sango jeudi na Brazzaville nsima na boyokani na FMI eye alakaki mposo moleki kopesa ekolo eye 448.6 millions ya ba dollars.

Mosolo moye "mozali panacée to eyano na nkwokoso nyonso te, kasi ebandeli ya eyano, " elobi M. Mouamba.

FMI epesaki 25 milliards ya ba CFA (38 millions ya ba euros) nsima na boyokani na Congo-Brazzaville.

"Motango moye mya yambo mozali libandeli. Koleka 80% ekosunga mpo na misala ya bokolongono mpe mateya (biteyelo), " elimboli PM ya Congo-Brazzaville. Oyo etikali ekopesama na mibu misato kaka soki Congo (Brazzaville) etosi miko mipesamelaki ye, elaki M. Mouamba.

"Miko 48 mikotiyama na misala kino mars 2020. Soki mitiyama te na misala, mabongisa mango makosimba te, " ekebisi Mouamba.

Bozongisami ya Congo-Brazzaville na linata na FMI ezuwaki mwa ntango mpo ekolo eye efundamaki na kobomba nyongo mingi. Mpe lisusu, ekolo Chine nde epesaka nyongo mingi na Congo-Brazzaville.

See all News Updates of the Day

Sassou abengisi Tshisekedi na "Forum Investir en Afrique" na Brazzaville

Mokonzi Félix Tshisekedi (D) ya Congo démocratique ayambi ministre Jean-Jacques Bouya (C) ya équipement ya terriotoire mpe ya misala ministre yaminene ya Congo-Brrazzaville na Cité ya Union africaine, Kinshasa, 22 août 2019. (Twitter/Présidence RDC)

Président Denis Sassou N’Guesso ya Congo-Brazzaville abengisi mokokani wa ye ya Congo démocratique, Félix Tshisekedi, na Forum "Investir en Afrique" na sanza ya libwa na Brazzaville.

Motindami ya M. Sassou amemelaki M. Tshisekedi nkasa ya bobengami yango o’mokolo ya misato na Cité ya Union africaine, na Kinshasa.

Kolanda présidence ya RDC, ministre ya équipement ya terriotoire mpe ya misala minene ya Congo-Brrazzaville, Jean-Jacques Bouya, nde akomaki mokonda yango na Kinshasa mpe asololaki na M. Tshisekedi.

Forum "Investir en Afrique" ekosalama banda le 10 kino le 12 septembre 2019 na engumba mokonzi ya Congo-Brazzaville.

Chine, Congo-Brazzaville mpe Banque mondiale nde babongisi yango.

OMS esengi bosangisi makasi mpo kobundisa Ebola na RDC

Mokambi ya OMS, Dr Tedros Adhanom Ghebreyesus (G) apesi mbote na président Denis Sassou Nguesso na 69e session ya comité régional ya OMS, Brazzaville, 19 août 2019. (Twitter/ Dr Tedros Adhanom Ghebreyesus)

OMS, Mabongisi ya molongo mpo na bokololongo, esengi baye bapesaka ye maboko, mingi mpenza bikolo nzinga nzinga ya RDC kosangisa makasi na bitumba ya Ebola eye esili koboma bato koleka 1.930 na mboka ya moye ya kati ya Afriaa.

Mokambi ya OMS, Dr Tedros Adhanom Ghebreyesus, abwakaki mbela yango na bokutani ya 69e session ya comité régional ya OMS na bikolo ya Afrika, na Brazzaville.

"Ntango ekoki mpo ete ba partenaires banso, mingi mpenza bikolo libwa nzinga nzinga ya RDC, balakisa bondeko mpo na kokanga nzela na bopanzani ya Ebola," elobai Dr. Tedros Adhanon Ghebreyesus.

Bato koleka 400, kati na bango ba ministres 47 ya santé bazali na bokutani byango.

Président Denis Sassou Nguesso ya Congo-Brazzaville nde afungolaki bokutani yango.

Mokambi ya sika ya OMS mpo na Afrika akoponama na bokutani boye.

Sango ya le 15 août 2019 na 16h TU na VOA Lingala

Sango ya le 15 août 2019 na 16h TU na VOA Lingala
Attendez s'il vous plaît

No media source currently available

0:00 0:05:00 0:00

Lipanda: Sassou alobi Congo ekosalela petololo ya "Ngoki" kasi ekobatela ba tourbières

Président Denis Sassou Nguesso na siège ya Union africaine, na Addis-Abeba, 17 janvier 2019.

Mibu tuku mitano na libwa banda Congo-Brazzaville ezuwa lipanda. Na lisukulu na ye, Président Denis Sassou N’Guesso abeti mokolo mpo na ntombwa ya mboka na ye.

Président Sassou apesi losako na bozongi ya linaka ya mibu misatu na FMI (Fonds monétaire international). Kasi alobi ete elikya ezali mingi mpo na bomonisami ya etando ya petololo na Nord to likolo ya ekolo nzinga nzinga ba tourbières (mabele ebomba carbone mingi).

Denis Sassou N’Guesso ayebisi ete mboka na ye ezali kati na bikolo biye bibatelaka libanda ya bomoi ya molongo to nature. Yango wana bozwui ya petrol na permis "Ngoki" ekosalama na bobateli libanda na etando bomoi to nature, liye mokili mobimba motalelaka mpo na kopekisa bobebisama ya molongo.

Mokonzi ya Congo Brazzaville alobi lisusu ete esengeli kotiya elikya kaka na petolo te, kasi kosala nyonso mpo na kosalela makoki masusu.

Yango wano asakoli bokutani nzike ya bikolo ya Afrika mpe ya molongo na Brazzaville. Kati na yango, Forum "Investir na Afrika" na mikolo mikoya, mpe session ya tuku motoba na libwa ya mabongisi ya molongo mpo na bokolongono, na région ya Afrika.

Sango ya le 14 août na 16h TU na VOA Lingala

Sango ya le 14 août na 16h TU na VOA Lingala
Attendez s'il vous plaît

No media source currently available

0:00 0:05:00 0:00

Voir plus

XS
SM
MD
LG