Liens d'accessibilité

Dernières nouvelles

Cour constitutionnelle ednimi elonga ya Sassou


Président Denis Sassou N'Guesso nsima bosakolami ya elonga na ye na maponami ya mokonzi ya mboka na ministre ya Intérieur mpe Décentralisation na Brazzaville, 23 mars 2021.

Cour constitutionelle ya Congo-Brazzaville ebwakisi bosenga ya ba opposants ya koboya bilembo bya maponami ma mokonzi ya mboka ma le 21 mars mpe esakoli ete président Denis Sassou N’Guesso nde alongaki.

Cour constitutionelle elobi ebongisi bilembo ministre ya mambi ya Kati asakolaki na koloba ete M. Sassou alongaki na 88,57%.

"Na bilembo bya suka… Cour constitutionnelle ebongisi maye masengelamaki. Candidat Denis Sassou N’Guesso asakolami molongi na eloko ya maponami, azwaki 88,40%," elobi mokambi ya Cour constitutionnelle Auguste Iloki.

"Bosenga bwa ya koboya mpe kozongisa nsima maponami ma mokonzi ya mboka, ya Mathias Nzon, Jean-Jacques Serge Yhombi Opango mpe Christian Mozoma makoki kondimama te," ebakisi mokami ya Cour constitutionnelle.

Mpo na ye, bosenga bwango bozali nde na loboko.

Ba candidats baye balongaki te basengaki bilembo biboyama mpe maponami mabandela mpoa na liwa lya moko na bango Guy-Brice Parfait Kolelas butu bolandaki maponami na France epayi wapi amemamaki na lombango mpo na koluka lisalisi na bokono bwa COVID-19.

Balobelaki mpe mbeba esusu ntango ya maponami.

Lingomba lya Kolelas UDH-Yuki, lilobaki ete alongaki na 67,55% kais CNEI, misala mya maponami milobaki été azalaki na molongo ya mibale na 7,8%.

M.Sassou azali a mibu 76 mpe akokisi mibu 36 na bokonzi.

XS
SM
MD
LG