Liens d'accessibilité

Dernières nouvelles

Lissouba akokundama mpo na mwa ntango le 31 août na Paris


Pascal Lissouba, former Congo Republic President

Professeur Pascal Lissouba akokundama lundi 31 août na Paris, kasi mpo na mwa ntango yambo na bozongisami ya nzoto na ye na mboka na Congo-Brazzaville, elobi libota lya lye.

Mokonzi ya kala ya Congo-Brazzaville (1992-1997) akufaki le 24 août na mibu 88, na ndako na ye Perpignan, na France.

Azalaki na bokono bowumeli.

Mercredi, molobeli ya mbulamatari ya Congo-Brazzaville, Thierry Moungalla ayebisaki ete mbulamatari ekozela libota lya ye koloba ntango elingi nzoto na ye ezongisima.

Mbulamatari elaki kosunga mpo na yango.

Ndenge moko mpe mpo na Joachim Yhombi-Opango, mokonzi mosusu ya kala ya Congo-Brazzaville (1977-1999), oyo akufaki mpe lokola na France, le 31 mars na mibu 81.

Thierry Moungalla alobaki ete miiko miike misengeli kozwama mpe kolandela mpo na bozongisi nzoto ya nkondo Joachim Yhombi-Opango mpo akufaki na COVID19.

XS
SM
MD
LG